Verktøy for tverrskandinavisk maskinomsetjing
Kevin Brubeck Unhammer
Skrevet av Kevin Brubeck Unhammer. Brubeck Unhammer er språkteknolog og utviklar i Apertium-prosjektet, samt storbrukar av Wikipedia (med små bidrag innimellom).
Wikipedia fekk nyleg eit nytt beta-verktøy for omsetjing av artiklar: *Content Translation*, eller *innhaldsomsetjing*. Dette verktøyet skal automatisera ein del av omsetjingsjobben, som det å spora opp kva dei omsette lenkjene og kategoriane er på målspråket, og å slå opp termar i ordbøker. Målet er å sleppa å bla fram og tilbake mellom ein masse ulike faner medan du skriv, og dermed kunna fokusera på sjølve omsetjinga. *Innhaldsomsetjing* kan i tillegg gi deg ei grovomsetjing av heile avsnitt ved hjelp av maskinomsetjingsverktøyet Apertium.
Maskinomsetjing er, som me veit, feilbarleg, så desse grovomsetjingane må sjølvsagt finlesast og rettast for hand. Men verktøyet er laga med tanke på dette, og gir deg ei åtvaring dersom du prøver å publisera noko som ser ut til å ikkje ha blitt endra nok på etter maskinomsetjinga. Uheldigvis er det langt frå alle moglege språkpar som har maskinomsetjingsstøtte frå Apertium; mellom anna manglar svensk↔norsk og dansk→norsk. Derfor søkte eg tidlegare i haust om eit Individual Engagement Grant frå Wikimedia Foundation for å utvikla dette, og fekk nyleg godkjend den søknaden (søknaden kan leses her).
Eg har tidlegare jobba med nynorsk↔bokmål og andre system i Apertium, så utfordringa er kjend, og dei nye systema blir i stor grad basert på kode og ordlister frå tidlegare system. Med meg på laget har eg òg Francis Tyers, som har doktorgrad i maskinomsetjing, og har jobba med omtrent alt som har å gjera med Apertium. Det skal ikkje bli veldig lenge til det går an å få maskinomsetjingsforslag frå svensk og dansk når du omset wikipediaartiklar til norsk!
Viss du har lyst til å beta-testa sjølve redigeringsverktøyet, så går det an å skru det på allereie no i brukarinnstillingane dine (under «Beta») og prøva det ut på t.d. nynorsk↔bokmål. Sjå https://www.mediawiki.org/wiki/Content_translation#Try_the_tool for meir informasjon, men hugs at verktøyet er under utvikling. Viss du er interessert i å følgja med på maskinomsetjingsprosjektet, så kjem eg til å oppdatera https://meta.wikimedia.org/wiki/Skanwiki/Skanwikiprojekt_MT – elles kjem det ofte meir generelle oppdateringar frå Content Translation-utviklarane på # >
Kategori: Blogg, Nyheter, Ukategorisert, Uncategorized, Wikipedia
Stikkord: IE Grant, omsetjing