Skip to main content

Wikimedia Norgga davvisámegielat prošeakta

Govva: Karin Beate Nøsterud, CC-by-SA 2.5 DK


Wikimedia Norga lea álggahan prošeavtta man ulbmil lea buoridit Wikipedia davvisámegillii, ja háhkat eanet sámegielat sisdoalu Wikimedia prošeavttaide. Davvisámegielat Wikipedias leat dál sullii 7 000 artihkkala, mii lea hui buorre danin go eai leat nu oallugat geat dan giela hálddašit, muhto čuolbmabeallin lea ahte eai leat nu ollugat geat aktiivvalaččat leat mielde prošeavttas. Dan mii háliidit njulget, muhto dan eat sáhte akto dahkat!

Prošeavtta čielga mihttomearri lea dagahit davvisámegielat Wikipedia ealas, aktiivva ja joatkevaš ođasmahttojuvvon prošeaktan. Dasa dárbbašuvvojit eaktodáhtolaš čállit, wikipediánarat, geat máhttet davvisámegiela. Máhtát go don davvisámegiela, ja oaivvildat ahte dát orru miellagiddevažžan, muhto it dieđe movt ja gokko álgit? Dalle mii áinnas háliidit oažžut duinna oktavuođa! Don sáhtát čállit iežat šleađgaboastta čujuhusa čállingieddái vuolábealde, ja dasto váldit duinna oktavuođa. Nu lea dieđusge maiddái dinguin geat ehpet máhte davvisámegiela, muhto dattetge atnet prošeavtta miellagiddevažžan, omd. jus don ovddastat vejolaš ovttasbargoásahusa, dahje leat priváhta olmmoš gii beroštat dán fáttás.