Skip to main content

Ovttasbargga minguin

Wikimedia Norga ohcá álo ovttasbargoguimmiid gelddolaš prošeavttaide mat leat čadnojuvvon friddja máhttui, Wikipedia:i ja eará Wikimedia-prošeavttaide. Mis lea erenoamážit beroštupmi dakkár ovttasbargui mas lea jurdda oččodit eambbo girjáivuođa, vai livčče olu iešguđetgelágan veahkit Wikimedia prošeavttaid hárrái, dahje dakkár ovttasbargui mii duddjo eambbo girjáivuođa go lea sáhka Wikimedia-prošeavttaid sisdoalus. Dás sáhtát lohkat eambbo min girjáivuođa olaheami barggu birra.

Jus du dahje din ásahusas/organisašuvnnas lea ođđa jurdda dahje prošeaktaevttohus mainna don hálidat, dahje dii hálidehpet, minguin bargat ovttas, de leat/lehpet váimmolaš buresboahtin váldit minguin oktavuođa.

Wikimedia Norga ovttasbargá vuorkkáiguin, dávvirvuorkkáiguin ja girjerádjosiiguin, stáhta direktoráhtaiguin ja ráđiiguin, allaskuvllaiguin, universitehtaiguin ja iešguđetlágan organisašuvnnaiguin. Mis leat viiddis prošeavttat maiguin bargat máŋggaid jagiid, muhto leat maid ovttasbarggut smávit bargguid hárrái. Jus dus lea ođđa jurdda, de áiggošeimmet áinnas gullat dutnje ságaid! Muhtin oasit maiguin áinnas ovttasbargat earáiguin leat:

  • bargat dan ala ahte olahit eambbo girjáivuođa go lea sáhka Wikimedia-prošeavttaid ráhkadeddjiin ja maid go lea sáhka lasihit eambbo Wikimedia prošeavttaid
  • veahkehit attidettiin rávvagiid ja máhtu das movt galgá juohkit čoakkáldagaid (govaid, teavsttaid, dieđuid) mat gullet friddja liseanssaide
  • lágidit oahpahusa Wikipedia-redigeremis ja doallat čállinbajiid
  • čađahit doaibmabijuid vai deaivvadeamit, ovdamearkka dihte kulturárbbi suorggis, sáhttet fátmmastuvvot iešguđetge Wikimedia prošeavttaide
  • lágidit čállin- ja govvengilvvuid
  • Gilvit máhtu Wikimedia-prošeavttaid birra ja dan birra ahte sáhtát nuvtta viežžat máhtu

Mii lágidit juohke jagi dáid doaluid ovttas eará ovttasbargoguimmiiguin:

Wikimedia Norggas mii ovttasbargat iežamet prošeavttaid eaktodáhtolaš doarjaleddjiiguin. Go leat eaktodáhtolaš, de don sáhtát min veahkehit hui ollu! Oahpahus wiki ođasmahttimis, veahkehit gilvvuiguin ja wiki deaivvademiiguin dahje veahkehit iešguđetge doarjjaortnegiiguin, ovdamearkka dihte wiki stipeanddain mii juhkkojuvvo guovtte geardde jagis. Jus dus lea gelbbolašvuohta mii du mielas lea ávkkálaš, ja man háliidat minguin juogadit, váldde áinnas oktavuođa minguin! Dahje váldde oktavuođa jus dus lea jurdda mainna jáhkát min sáhttit iežat veahkehit vai beasašit mátkái!