Skip to main content

Min birra

Miehtá máilmmi leat máŋga miljovnna olbmo geat beaivválaččat finadit Wikipedia siiddus. Wikipedia lea duođaid okta dain 5:a eanemus gallestallojuvvon neahttabáikkiin. Dan maid eai buohkat dáidde diehtit lea ahte friddja diehtogirjji Wikipedia čállet ja bajásdollet eaktodáhtolaš veahkit. Buohkat sáhttet veahkehit ja juohkit iežaset máhtolašvuođa Wikipedias!

Jus don leat okta sis gii oaivvildat ahte máhtolašvuohta galgá juhkkojuvvot ja leat nuvttá olámuttos buohkaide, dalle leat don deaivvadan berošteaddjijoavkkuin geain lea áigumuš dáinna bargat! Wikimedia Norga lea eaktodáhtolaš organisašuvdna mii bargá dainna ahte láhčit máhtolašvuođa nuvttá olámuddui buohkaide dan bokte go servet eaktodáhtolaš bargui Wikipedias, juogo ásahusovttasbarggu dahje kursadoaimmaid bokte. Mis leat prošeavttat maiguin sáhttá juohkit máhtu sihke girjedárogillii, ođđadárogillii ja davvisámegillii, muhto maid prošeavttat maid bokte sáhttá juohkit govvačoahkkaldagaid ja vuorkámateriála. Go mii govvidit máilmmi de han mii rievdadit dan. Mii áinnas háliidit du dása mielde!

Dás  sáhtát lohkat eambbo min barggu birra mii gullá dan sámi máhttui mii lea neahtas, ja dás gis sáhtát lohkat movt mii bargat lasihit girjáivuođa, vai mii nagodivččiimet háhkat iešguđetgelágan veahkkebargiid Wikipedia:i ja Wikipedia sisdollui.

Wikipedia lea okta dain máŋgga Wikimedia prošeavttain. Eará stuora Wikimedia prošeavttat leat ovdamearkka dihte Wikimedia Commons ja Wikidata. Wikipedia ja dain eará Wikimedia prošeavttain lea guovddáš sajádat Wikimedia Norgga barggus.

Wikimedia Norggas ii leat doaimmahuslaš ovddasvástádus Wikipedia sisdoalus, ii ge eará Wikimedia prošeavttain. Mii leat sorjjasmeahttun organisašuvdna, muhto Wikimedia Foundation USA:s (mii jođiha Wikimedia prošeavttaid) lea dohkkehan min našunála Wikimedia organisašuvdnan. Dát mearkkaša ahte Wikimedia Norga našunála dásis bargá seamma mihttomeari guvlui go Wikimedia Foundation ja 40 organisašuvnna miehtá máilmmi dahket: Jurddaš dahje govahala dakkár máilmmi gos buohkat nuvttá sáhttet ávkkástallat dan máhtolašvuođas maid olbmot leat čohkken.

Jus hálidat lohkat eambbo Wikimedia Norgga barggu birra, de sáhtát dan dahkat min iežamet báikkis mii lea wiki.